台語譯文：
拄影著這幅圖，會看著兩逝直溜溜的人物造形當咧人徛人（lâng-khiā-lâng），詳細共看，又閣看著每一个人都提一項家己咧𨑨迌的物仔，可比講鼓吹（kóo-tshue）、撚𥐵仔（lián-phiat-á）、牛角吹（gû-kak-tshue），遮的攏是咱這陣的囡仔毋捌耍過的物件，人物的衫有真濟圖樣，遮的圖樣共每一个人物的個性攏展現甲明明明，畫圖者的作品有誠濟這款足原始氣味的表現，予這種樸實的美感閣較明顯。這幅圖的色水是用純的黃色、青色、柑仔色做背景，閣共「拙」（tsuat）—看著敢若真頇顢的線條，印佇面頂，予線條佮色緻的層次理路分明，而且整整齊齊。
出處：王雅玲，國立臺灣美術館典藏詮釋資料，2025。