台語譯文：
蕭進興，1953年出世佇嘉義布袋鹽埕寮，綴蘇峰男學畫圖，貫串(kuàn-tshuàn)畫水墨（tsuí-ba̍k），藝術家興出外寫生，臺灣規四界畫透透，自然景緻觀察甲真斟酌，用寫實的手法來描畫目睭前所見所感，伊畫圖的特色是用a-khú-lih、水墨、膠彩等等色料來表現重彩（tāng-tshái），結合厚墨焦皴(tshun)的功夫，不管是幻幻(huánn-huánn)曠闊的山岳意境，抑是氣勢驚人的高山峻嶺，攏共臺灣的美景表現甲真夠氣。這个作品照實描畫臺中公園（Tâi-tiong　kong-hn̂g）的景色，對天頂看落（khuànn--lo̍h）的角度來構圖，起造遠近懸低無仝的層次，前景大欉樹青青茂茂(ōm-ōm)，用松花綠、深綠佮烏綠一沿疊過一沿，配搭焦筆皴拭的手路，看著青蘢蘢真健欉，樹仔邊有步道，民眾通停跤坐咧開講、歇睏，氣氛蓋清心，中景是真出名的湖心亭（Ôo-sim-tîng），有百外冬的歷史，當初為著迎接日本載仁親王來臺灣參與臺鐵縱貫全通式，攢欲予伊歇跤，捌號做「弘園閣」和「香閣」，樸實的建築看著真雅氣閣好看頭，朱紅色的厝頂成做規幅圖上顯目的主角，四箍圍有人咧划船(kò-tsûn)，真清閒咧看風景，不止仔可愛有活氣。遠景是規片青翠的大欉樹佮樓仔厝，袂輸好禮仔共湖心亭攬佇中央，青色的湖水親像綠寶石，光潤青亮，色緻相濫真協調，毋但按呢，正爿頂仔有一首詩寫講「俯臨臺中，令人心中暢懷不已」，隨就予人感受著彼款舒爽佮歡喜，〈臺中公園所見〉共西方寫生的功夫佮東方的筆墨結合起來，蕭進興幼路的筆法忠實畫出臺中公園，
出處：王雅玲，國立臺灣美術館典藏詮釋資料，2025。