台語譯文：
憑野獸派（iá-siù-phài）油畫佇日本時代的台灣畫壇名聲真敨（miâ-siann tsin tháu）的鹽月，不時都會上山去畫原住民（guân-tsū-bîn）的生活圖像，這幅〈溫泉圖〉是1930年畫的，看會出是伊上山寫生來的，主要是採取對面頂看落去的角度，改用毛筆來畫水墨畫，隨心所致粗筆畫出一陣人褪腹裼（thǹg-pak-theh）咧溪底浸溫泉（un-tsuânn）的景象。當年東京美術學校圖畫師範科的課程，是西畫、日本畫、南畫（水墨畫）攏有，所以書法、美術史等等各種術科和學科攏著愛修，就算伊主要的創作火力集中佇西畫，若愛伊毛筆攑咧佇棉仔紙抑是宣紙畫水墨（tsuí-ba̍k）嘛考伊袂倒。這幅圖看著若像是逸筆（i̍k-pit）照心情普略仔畫一个形，無受著傳統成規來束縛，毋過線條澀進（siap-tsìn）滄桑。溪底浸溫泉點景的人物，佮坐佇崁邊樹椏（tshiū-ue）𨑨迌的猴山仔（kâu-san--á），予規幅圖看著閣較心適，有一種樸實自然的趣味。
出處：王雅玲，國立臺灣美術館典藏詮釋資料，2025。

鹽月桃甫（1886-1954），本名永野善吉，日治時期西畫名家，生於日本九州宮崎縣。1903 年入宮崎縣師範學校（今併入宮崎大學），畢業後返鄉執教。其後考取東京美術學校圖畫師範科，1912 年3 月畢業之後，輾轉服務於四國地區之高等學校。1921 年舉家遷臺，任教於臺北州立臺北第一中學校（今臺北市立建國高級中學）。1922 年臺灣總督府高等學校（7 年制高等學校，今國立臺灣師範大學前身）成立，轉而任教於該校，受其美術教學薰陶的臺籍生有許武勇等。鹽月為臺展創始發起人之一，從1927年第1 回臺展揭幕，以至1943 年第6 回府展落幕，他全程參與各回的西洋畫部審查，而且是出品原住民題材油畫最多的畫家。來臺初期開始，他即常深入太魯閣，描繪原住民圖像，其畫風較偏向於野獸派而富有個性。