台語譯文：
這幅圖全然用水墨特寫一隻水牛（tsuí-gû）佇水墘的沙地食草，邊仔幾隻白翎鷥（pe̍h-lîng-si）有的咧揣食、有的咧佮彼隻牛互動。蔡草如佇正爿頂仔用行草書寫「幽性樂天和 時於乙卯臘月 蔡草如寫」，刻浮（khik-phû）的「草如」印。乙卯年是1975年，蔡草如用擬人化（gí-jîn/lîn-huà）的手路，安排水牛佮白翎鷥中間微妙的互動，構圖雖罔無蓋複雜，煞真有天然的趣味，予人感受著眾生攏有靈性，真緊就去想著北宋程明道所講的「萬物靜觀皆自得，四時佳興與人同」這句名言。
水牛是早期臺灣農村（Tâi-uân　lông-tshuan）逐所在都看會著、真四常的精牲，蔡草如雖然毋是佇農家大漢，毋過從伊十幾歲仔，就真佮意提速寫簿仔一四界去寫生，隨時共有靈感的素材畫落來，收集整理做後日仔畫圖創作的參考材料。他定定畫牛，嘛斟酌觀察牛的生態和癖性。這幅圖筆簡意全（pit-kán ì-tsuân），因為真有把握，所以畫起來筆墨通敨、手路自然閣順手，一點仔都袂頓蹬。而且造型畫甲真頂真。對伊筆路遮爾雅氣閣平棒（pênn/pînn-pāng）來看，凡勢是照素描稿所畫的。圖底無蓋大，煞誠有張力（tiong-li̍k）。
王雅玲，國立臺灣美術館典藏詮釋資料，2025。