台語譯文：
〈搖孫仔〉是1979年的作品，入選義大利國際版畫展；記錄臺灣1940到1960年代真特別的竹仔搖笱佮彼陣的社會現象──做爸母的當少年，無閒趁錢去到他鄉外里，干焦賰食老的阿媽（a-má）留佇厝裡育孫（io-sun）。這件作品是多版套色，背景留白佮有斷節的殕色線框，可比一粒刻浮（khik-phû）的印仔，頓落時代的影跡。老阿媽的身穿、頭箍（thâu-khoo）佮搖笱，枋仔頂刻刀挖空佮保留，創造出性質、皮肉佮歲月的痕跡，嘛記錄臺灣歷史內底永久的象徵文物。
出處：賴欣宜，國立臺灣美術館典藏詮釋資料，2025。