台語譯文：
林慶雲（1927-2003），出世佇屏東縣林邊鄉放索庄，是戰後第一代的攝影家。民國四十九年彼跤兜佮東港鎮攝影同好創立東光攝影會。創作初期受著寫實風潮的影響，作品多數是用鄉土寫實（hiong-thóo siá-si̍t）做主要的題材。六十年代以後，因為德國現代主義的「攝影視覺」理論開始咧興，林慶雲受這款理論影響，運用攝影鏡頭的效果佮翕相角度的變化，去表現咱人的肉眼無法度體驗的巨視（kī-sī）、微視（bî-sī）、近翕（kīn-hip）。1965年佮攝影同好組一个「單鏡頭攝影俱樂部」。
街仔路（ke/kue-á-lōo）一工過一工無啥變化的日常，一位查埔人跍佇路邊，伊的身軀邊囥兩箱家私佮一籠雨傘布（hōo-suànn-pòo），真注神真專心咧做工課，展現伊的好工夫。尻脊後的壁頂面貼甲全海報（hái-pò），予咱看出彼當陣日子真樸實的生活氣氛。場景的倒手爿，有幾个仔老大人（lāu-tuā-lâng）真自在坐佇門邊的椅條歇睏，厝內閣有兩位序大真好玄看對外口出來，純真燦爛笑微微的面容，敢若對有人咧翕相感覺真心適的款。
賴欣宜，國立臺灣美術館典藏詮釋資料，2025。