台語譯文：
潘春源咧畫的種類真濟，毋但𠢕畫膠彩、水墨佮民俗彩繪，人物、花鳥（hua-niáu）、走獸嘛攏會曉，通講是十路全（tsa̍p-lōo-tsuân）的畫家。總是這个廟寺彩繪佮民俗道釋畫（Tō-Sik-uē），是伊平素用來飼一家伙的賺食步（tsuán-tsia̍h-pōo），所以若規个共看起來，伊這世人畫上濟題材的應該是人物（尤其道釋畫）。潘春源的人物畫，佇1930年前後就差不多真成熟矣，這幅圖無押年份，干焦頓一个「春源」朱文印，毋過無疑就是伊成熟時期優等的作品。
臺灣民間信仰內面，三官大帝的「天官」就是賜福紫微大帝，也就是《歷代神仙通鑑》內底所講的，是原始天尊以炁（khì）化身，神格至懸，而且執掌（tsi̍p-tsióng/tsiáng）人類的福氣，所以有「天官賜福」這句成語。這款吉祥的題材，無論好額散（hó-gia̍h-sàn），家家戶戶人人攏真佮意。潘春源所畫的這件大中堂（tuā-tiong-tn̂g）〈天官〉，身軀邊有貴氣的雲童（hûn-tông）佮掌扇仙女（tsiáng-sìnn sian-lú/lí）綴咧，予天官的氣勢看著閣較大範，所穿的套袍（thò-phâu）花逝（hue-tsuā）妝娗幼路、層次嘛真濟，毋過看起來真自然袂傷食目，構圖、造型、筆墨攏上等高妙，會當講是臺灣畫家所畫的民俗道釋畫內面，一等的作品。
出處：賴欣宜，國立臺灣美術館典藏詮釋資料，2025。

潘春源（1891-1972），　府城民俗彩繪兼膠彩、水墨畫名家潘春源，本名聯科，人稱「科司」，字進盈，春源為號，後以號行，並為畫室名，臺南府城打石街出生。早年勤學漢文並透過觀摩自學方式從鄰近廟宇中學習傳統書畫和廟宇彩繪，18 歲時，於府城三官廟旁開設「春源畫室」，30 歲（1920 年）時，水墨畫名家呂璧松於府城開裱褙店，潘春源常往請益，兩人誼在師友之間。1924 年專程往大陸入廣東汕頭集美美術學校研習三個月，專習水墨書和炭筆肖像寫生。1926 年再往福建泉州觀摩遊學，造詣更大幅提昇。1928 年起，潘春源曾以膠彩和水墨畫作，連續入選於第2-7 回臺灣美術展覽會，其造形嚴謹而富於本土趣味的精緻藝術畫風極具特色而頗受矚目。1929 年更與嘉義的林玉山，結合臺南和嘉義入選臺展的東洋畫家，組成「春萌畫會」，為日治時期南臺灣極具代表性的東洋畫團體。