台語譯文：
陳夏雨（Tân Hā-ú）出世佇臺中，1935年去日本，前後跟綴東京美術學校教授、以肖像出名的水谷鐵也（1876-1943）佮帝國藝術院會員、以人體創作為主的藤井浩佑（1882-1958）學習雕塑（tiau-sok），長期蹽落去雕塑領域，伊的作品重視簡單、單純化佮塊面的變化，注重整體造型的配搭，嘛堅持家己的風格，通人稱呼伊是「雕塑界的詩人（tiau-sok-kài ê si-lîn）」。
〈裸女之六〉是陳夏雨1960年的作品，用束結的造型表現出典雅唯美（î-bí）的女體（lú/lí-thé），人物的體格膨皮（phòng-phuê/phê）膨皮，頭𩑾𩑾（thâu tshih-tshih），伊的雙手略仔囥佇雙爿邊，兩肢跤輕鬆徛直直，陳夏雨捌講：「著愛探討出物件的本質（pún-tsit）才正港有價值。」伊一直創作無停歇，不斷追求雕塑的本質，對這件作品會當感受著作者一粒一的功夫，主體的表現來講，看起來無夯枷的裝娗佮加工，顛倒是真自然展現出若像看會著底、通光的光彩，通敨、自然的工法予整體誠有韻律感，幼膩傳達出一種安定的力量。
出處：王雅玲，國立臺灣美術館典藏詮釋資料，2025。