台語譯文：
1980年代張永村以《水墨變法》系列，對傳統水墨的材質、技法、表現形式、空間形態展開大膽的突破佮實驗。頭先，伊排除固有（kòo-iú）技法的限制，佇長條形（tn̂g-liâu-hîng）的宣紙頂面共潑墨的筆法推展到極（kàu-ki̍k），墨水在伊欲按怎潑，𪐞大片抽象的墨斑出來。材料的運用，伊拍破媒材使用的單一性，用國畫檫仔捲規囷（khûn）的概念，共水墨畫一囷一囷收佇a-khú-lih盒仔內，閣將紙囷心抽捲螺仔形（kńg-lê-á-hîng）出來，捅（thóng）出來的部份，墨痕展現出五花十色、貓貓有變化的花逝。伊閣一項革命性的創意，是運用低限藝術（kē-hān gē-su̍t）的造型佮裝置手路，隨意組合四角形a-khú-lih盒仔，予水墨創作迒過三度空間佮三度空間的界限，營造充滿視覺律動感佮音樂性的空間，予水墨創作會當有閣較自由無束縛的性命。
賴欣宜，國立臺灣美術館典藏詮釋資料，2025。