台語譯文：
〈放風箏〉是1977年的作品；仝一年參加第十三回日本亞細亞現代美術展；1979年嘛入選美國洛克福國際版畫展。囡仔人（gín-á-lâng）家己做的風吹（hong-tshue），常在是用竹仔抑是竹篾仔做枝骨，甚至黏舊報紙、無就是大張月拆仔紙來做風阻、順風飛的平面，棉索仔抑是尼龍索仔（na̋i-lóng-soh-á）搝出來的牽引點，是這隻風吹敢有通順序飛上天的關鍵。林智信為著表達起風的狀態、為著表現出風吹媠噹噹的造型，畫面刁工用真顯目的刀法佮筆路，印刷的過程，上尾仔一版用烏色有力的線逝硩印（teh-ìn），予規个畫面總活起來。風吹的圖樣型：一隻是鴟鴞（bā-hio̍h），一隻是蝴蝶（ôo-tia̍p）。這兩種真有代表性的動物，正是臺灣這塊土地的表記。
出處：王雅玲，國立臺灣美術館典藏詮釋資料，2025。