台語譯文：
〈如果有一天，大地的風不再吹了〉，是作者有意（iú-ì）共母體（bú-thé）的文化份佮生態神學（sing-thài sîn-ha̍k）的概念進行對話的作品，嘛是作者伊誕佇《紋砌刻畫》系列當中重要的作品型態，畫面的整體用材料的原色呈現，強調原生力量（guân-sing li̍k-liōng），嘛延伸原始大地的訊息。畫面內底，百合（pik-ha̍p）是母親 的形象，嘛是朋友的形象，所以有目睭（ba̍k-tsiu），有會當觀看咱人類的主體性，是伊誕想欲佇創作內面呈現臺灣性命的象徵。對刻畫的方式來看，伊誕所刻的幼閣長的線逝（suànn-tsuā），創造出流動的延續性（iân-sio̍k-sìng），共排灣族（Pâi-uan-tso̍k）語內底所形容的風（hong）的花逝佮節奏呈現出來。伊誕的創作是臺灣原住民咧創作的時普遍攏真想欲表達的普世價值，毋願閣刁意故予人定位做臺灣少數，顛倒是對母體文化的線索當中，去揣出正港屬於臺灣土地上真實的媠。
賴欣宜，國立臺灣美術館典藏詮釋資料，2025。