台語譯文：
〈朝涼〉入選1940年的「紀元2600年奉祝美術展覽會」，彼陣林之助佮𪜶某王彩珠才拄訂婚，就將伊相思之情寄託在內。伊畫𪜶某徛佇朝霧罩雺（tiau-bū tà-bông）、日頭沓沓仔咧開的埕裡，啊若畫家家己就變做一對白羊（pe̍h-iûnn），擔頭和𪜶某相相（sio-siòng），表達兩人相離（sann-lī）的思戀之情。茂phànn-phànn的牽牛（khan-gû-hue）花白殕白殕（pe̍h-phú），林氏用真幼絲的線描法來畫𪜶某的和服（hô-ho̍k）佮面形，衫仔頂的花草嘛畫甲真幼路。和服多數攏是來佇臺灣的日本女性（lú/lí-sìng）才會穿，會當用來區別佮表現身份；臺灣的女性干焦佇一寡仔稀罕的場合，抑是一部份的服務業才有咧穿，所以林氏選擇畫和服來做𪜶某的身穿，特別有一種也若日常、煞又閣莊嚴的特別的氣氛。牽手佮白羊，兩項虛佮實/繁雜佮簡約互相對應，加添活氣，畫面雖然無特殊的張力（tiong-li̍k），毋過煞有一種巧妙獨有的意境，2015年文化部通過指定這件作品成做「重要古物」。
出處：賴欣宜，國立臺灣美術館典藏詮釋資料，2025。