台語譯文：
作品的造型有兩个顯目的特色，頭一个是幾何變形的抽象雕塑；第二个是用穩定佮平衡的元素來創作的特質。運用石材𠕇身的特色，用束結閣雅氣的線條來反映東方哲思的安定恬靜，展現簡單閣輕的造型風格和美學素養。
烏色的花崗石（hue-kong-tsio̍h）材質𠕇硞硞閣密實，有「岩石之王」的美名，運用崗石的特性、色緻佮紋理，以抽象的形式將塊、面、線的元素，結合虛佮實呈現出平棒（pênn-pāng） 和通透的感覺。接紲的曲線構成親像莫比烏斯帶（Bo̍k-pí-oo-su-tuà）的形狀，予雕塑的起點和終點僫咧分別，暗示永世抑是相接紲，探索形態佮空間的關係。
烏色線條起落真優雅，韻律節奏順序分明實在誠趣味，金滑的表面圍出來彼空真通透，創造出視覺的動態效果。順推金的烏色線條流動，佇無仝的時間和環境內底，會得有隨人的感受佮想像，攏看會著新的細節和意義，引𤆬思路探訪神秘的烏色空間，若像進入無限浩大的宇宙（ú-tiū），渺小的人類干焦是宇宙內底小小的一部份，一切攏順大自然咧運轉，閣生閣有（koh-senn/sinn　koh-ū）。
出處：王雅玲，國立臺灣美術館典藏詮釋資料，2025。