台語譯文：
吳炫三佇1979年頭一擺進入非洲旅行研究，伊觀察著非洲（Hui-tsiu） 原住民族（guân-tsū-bîn-tso̍k）生成烏肉底閣烏甲會反金，赤焱焱金色的日頭跤，藍天、沙漠、湳地（làm-tē）、森林，人那徙振動，烏金的皮肉就袂輸一塊鏡按呢那照出環境顯目的色彩，吳炫三自按呢發展出「共風景畫佇人面」這个獨一無二畫圖的概念，並且一步一步建構出交織光、色佮原始能量的「日頭光系列（ji̍t/li̍t-thâu-kng hē-lia̍t）」的作品。這个作品接紲吳炫三自1980年以來的「日頭光系列」油畫的大筆觸佮鮮麗（tshenn-lē）的色水，掌握形象這方面，脫離人物五官具體的經營，用對比色面佮高彩度來強調人物的性格佮特色，並且共自然環境的刻痕塌入去，用按呢來傳達外部造化的豐富訊息。吳炫三認為非洲的女性有一種樸實的自然媠，𪜶對內至外發出來的熱能佮力量，有一種言語袂得形容的性命力（sènn/sìnn-miā-la̍t）。作品內底的非洲少女（siàu-lí/lú）有結一寡看著真複雜，嘛有文化內涵佮在地流行美感的珠髮墜仔（tsu-huat tuī-á），用顯目的色彩來輔助、通敨的筆法、大膽的色面來營造當青春的性命動感。同時，藝術家嘛運用色佮光來強調畫面主角的四周圍環境狀態，予咱看甲真清楚。少女規身軀浸佇一下仔相對比、一下仔相結合的明麗色水內底，浪漫多彩的翠綠佮艷黃炤佇面頂，看會出來人物毋是踮佇予熱毒的日頭光損斷的焦燥沙漠（sua-bo̍k）大地，閣較成是有發樹仔草仔、較滋潤（tsu-jūn/lūn）的綠洲（li̍k-tsiu）地帶；作品嘛以人物做焦點，煥發一種予日頭光挲過的輕鬆自在，而且共豐沛旺盛的性命力大大表現出來。
出處：王雅玲，國立臺灣美術館典藏詮釋資料，2025。

吳炫三，1942年出生於臺灣宜蘭縣羅東鎮，擁有國立臺灣師範大學美術系、西班牙馬德里皇家藝術學院堅實的繪畫訓練基礎，並曾旅居美國紐約三年。他早年（1968-1979）的繪畫作品學院性格濃厚，主要以自然及生活風景為題材。其創作生涯的變點在1979年，當時已舉辦過二十餘次國內外個展、累積了相當創作聲譽的吳炫三，為了建立獨立鮮明的個人風格，決定跳脫文明生活圈，赴自然蠻荒之域進行長期的旅行研究。1979、1983年兩度皆長達一年有餘的非洲旅行，成為吳炫三創作風格改變的轉捩點，「遠離文明，接近自然，去重新體會人類生存的價值」成為影響吳炫三繪畫風格破立轉型的關鍵因子；其後，全球各地原住民族部落的探訪旅行，成為其重要的創作靈感來源。 出處︰蔡昭儀，2021，《典藏目錄32》，臺中：國立臺灣美術館，頁232