台語譯文：
蒲浩明，1944年出世佇嘉義，自細漢受著老爸蒲添生的影響，中國文化大學美術系出業，閣捌去比利時皇家藝術學院佮法國巴黎美術學院進修，作者深深受著東西方古典傳統佮現代藝術的影響，進一步結合各種的藝術文化和思想，創作出無仝的風格佮多樣性。
作品呈現男性身軀的下身（ē-sin），刁故意塑造一塊一塊相疊，𠕇硬的皮肉，予人感受著男性勇猛的力量，有三角形結構的平衡感佮穩定性，表達出就算無完整的身軀，干焦雙肢跤仝款是真筋韌（kin-lūn)徛佇這片土地。
運用石膏直接塑造出形體，才閣用青銅（tshenn/tshinn-tâng）鑄造，佇金屬堅固的材質內底，光影交互作用，成做一種有機的流動感，對遮產生無仝的視覺感受。因為塑造技法佮結構的突破，用膨凹（phōng-nah）起落粗澀的質感表現出人的性命力（sènn/sìnn-miā-li̍k），而且嘛暗比人的孤獨（koo-to̍k）和軟汫（nńg-tsiánn），改變觀者對人體（jîn/lîn-thé）形態的傳統認知，會有較濟款的解讀和情感的反應。
出處：王雅玲，國立臺灣美術館典藏詮釋資料，2025。