台語譯文：
許啟川（1953-），澎湖七美人。高雄市私立三信高級家事商業職業學校畢業。伊是高青攝影學會理事，臺北市攝影學會、高雄市攝影學會會員。本底的工課是機械技師，後來發現家己真愛攝影（liap-iánn），就規氣蹽落去。1987年共故鄉澎湖七美鬥推捒觀光，翕七美的風光美景。1991年擔任高雄市攝影學會的講師佮評審，1993年佇高青攝影學會擔任講師和評審，1994年佇沙風暴攝影研究會擔任講師和評審。1985年第四十屆全省美展著著政府獎，1986年高雄區運攝影比賽提著金牌獎，1989年第六屆光輝十月攝影比賽得著銀牌獎，2019年挈著高雄市政府新聞局舉辦的「光影高雄」攝影比賽第二名。
塗跤積水（tsik-tsuí），倒照出顛倒反（tian-tò-píng）、虛幻（hî-huàn）的世界。烏貓（oo-niau）親像一个頭殼𢯾咧燒的囡仔囝，無細膩傱入去這个幻境（huàn-kíng）煞毋知欲按怎才好，喙仔開開，若像是想欲問攝影的人：遮是佗位唅？作者取景巧妙，水面藍色的天佮建築物的照影，成做一个豐富的色彩組合。
出處：王雅玲，國立臺灣美術館典藏詮釋資料，2025。