台語譯文：
蔡蔭棠（1909-1998）新竹出世，1925年入新竹中學讀冊，受新竹地區的西洋畫啟蒙者南條博明啟發來從事油畫創作，1929年保送進入臺北高等學校，綴塩月桃甫（1886-1954）學畫圖，1932年前往日本京都大學讀經濟系，1935年返臺，1953年去大同中學教冊就搬去臺北，熟似張萬傳（1909-2003）等人，1955年創辦「星期日畫會」，1964年佮陳銀輝（1931-）等人共組「心象畫會」（1965年改名做「世紀美術協會」），1977年移居美國。作品有入選過省展、臺陽美展、世紀美展等展覽幾若擺。
〈兩姐妹與金魚缸〉是蔡氏原本欲參加第九屆省展的作品。是畫兩姊妹仔（tsí-muē-á）咧看金魚（kim-hî）佇水缸（tsuí-kng）內底泅的情景，水缸用花鳥（hua-niáu）、幾何花逝妝娗，邊仔有囥一兩坩花坩（hue-khann）點景，人物後壁的磚仔壁佮通路，表示空間有閣延伸過去的深度，規幅圖所用的色料真厚、物像的線條嘛畫甲真明，形成堅實、寫實（siá-si̍t）的個人畫風，而且嘛展現出省展傳承日本官展的脈絡（me̍h-lo̍h），較偏向具象寫實為主的藝術表現。
賴欣宜，國立臺灣美術館典藏詮釋資料，2025。