台語譯文：
陳其寬的〈野餐〉用著多重視點（to-tiông sī-tiám）構成的宇宙觀，這款宏觀視野的底蒂，是來自老莊（Ló Tsong）對宇宙萬物的哲思，老子（Ló-tsú）捌講過：「大曰逝，逝曰遠，遠曰返」，這就表現伊有地球可能是一个球體的認知，所以咱會當看著畫檫（uē-tshat）頂下（tíng-ē）對日月天體（ji̍t-gua̍t thian-thé）的描畫，佮景物頂下倒反囥的宏觀景緻。陳氏用一節一節的幼筆線逝佮高明度的色水來畫物象，線佮面、虛佮實的映照真有筆墨巧妙的趣味，形成各種視點構成的亭台樓閣（tîng-tâi lâu-koh），頂懸佮下面像照鏡按呢顛倒反，互相加添趣味，畫中有細細个仔的人物做點景，是陳氏筆下宏觀世界內底的微觀視野，這幅圖的色調是用藍色、白色、紅色、綠色來配搭，頂下相蔭。是畫家用「肉眼」昇華做「意眼」，充分體現伊「變化中求統一，統一中求變化」的美學觀。
賴欣宜，國立臺灣美術館典藏詮釋資料，2025。