台語譯文：
這幅圖是1933（癸酉）年畫的，可見劉子源佇1930年代猶蹛咧臺中。這張畫主要是描畫穿一軀官服（kuann-ho̍k），頭頂戴親像唐朝襆頭（pok-thâu）的大官，坐踮予衫袍崁牢咧的椅頭仔頂，看著誠有氣慨（khì-khài）、誠有自信的款。雙爿邊是滿面笑容的囡仔佮老大人圍倚咧，尻脊後一个查某𡢃仔（tsa-bóo-kán-á）抑是妻妾（tshe-tshiap）），雙手攑一支鴨卵形、長柄大支的薄紗仔扇（po̍h-se-á-sìnn），綴佇邊仔服侍（ho̍k-sāi）。這个畫面看著氣氛是誠歡喜佮顯貴。題材雖然真傳統（thuân-thóng），佮現代的生活較無遐搭峇（tah-bā），毋過筆墨和造形攏袂凊彩，連大支紗仔扇彼款透光的感覺攏有表現出來。因為伊嘛真𠢕寫詩，所以凡勢伊毋但是一般的民俗畫師爾爾；而且這幅圖的水準，嘛毋是普通彼款家己畫、家己欣賞的業餘畫家有才調畫的。題字內底有講著「東墩客次」這个詞，若像說明伊檢采毋是臺中在地人。
出處：王雅玲，國立臺灣美術館典藏詮釋資料，2025。

劉子源，字問渠，福建省汀州人，生卒年不詳，活動於光緒年間到日治時期。詩畫皆能，曾創「華僑同鄉吟社」。其繪畫中西兼習，除傳統書畫之外，也學過炭筆素描、水彩和油畫。其水墨畫兼擅人物、山水、鳥獸等題材。1923 年9 月，於臺中市新富町天真閣成立「美術研究會」，以教導青年學子習畫，因此其身分應屬專業畫家。