台語譯文：
這幅〈折之花〉，是周紅綢佇東京留學的時陣課堂練習的作品，佮周紅綢交情真深而且嘛佮意畫圖的高女同學邱金蓮（1912-2015），去東京旅遊的時捌拜候周紅綢共伊借蹛，自按呢收著這幅圖做紀念，所以這幅圖完成的時間點，差不多是1932-35年彼跤兜。邱金蓮收囥這个作品欲倚70 年，才交予國美館典藏。
這个作品是東京女子美術學校（Tang-kiann Lú-tsú Bí-su̍t-ha̍k-hāu）的課堂練習，焦點是囥佇彼跤竹籃仔（tik-nâ-á）面頂的野百合（iá-pik-ha̍p）和粗糠花（tshoo-khng-hue）。下底桌仔頂苴（tsū）一條藍白間插（kàinn-tshah）的桌巾，共畫面蔭甲真顯目。桌頂另外閣有一葩榕仔椏（tshîng-á-ue）囥斜斜（tshua̍h-tshua̍h），真有手路共桌面、裡布（lí-pòo）佮花籃相結合，予構圖閣較密實。雖罔是課堂的練習，毋過咱看會著伊畫圖誠頂真的態度，毋但予咱親目睭見證東京女子美術學校的專業美術教育訓練一點仔都無凊彩，也看會出來周紅綢、邱金蓮兩人的友情有影是深似海。
王雅玲，國立臺灣美術館典藏詮釋資料，2025。