台語譯文：
〈後台〉戲台（hì-tâi）前佮戲台後，是全然無相仝。戲台前是為觀眾，為著予別人歡喜來搬，會當有無仝款的版本，啊若戲台後，才是真真正正咱人生的一部份、無通替換的劇情才是現實，目的是為著欲滿足家己、成就家己。這幅作品，予咱看著後台（āu-tâi）的情景，是溫暖閣和樂、幸福的一家伙（tsi̍t-ke-hué），踮遮無公眾的壓力、毋免掩崁家己，人情的冷暖攏佇遮。這件作品的構圖是𫞼（tshāi）直的，隨人獨立，每一个個體攏咧注意母仔囝（bú-á-kiánn）的溫情，就按呢產生一个視覺的中心點。作者真巧妙運用視覺的律動線來引𤆬觀賞者，袂輸佮眼前的人徛做伙，有影是一幅攝影的佳作。
出處：賴欣宜，國立臺灣美術館典藏詮釋資料，2025。