台語譯文：
作品〈逍遙〉，就莊世和創作自述內底所講的：「18歲少女的心事講予白雲、青天聽，據在心思綴風飛。」莊氏佇藍色做底的畫面正中央佮倒爿頂仔畫一塊大、一塊細的白色雞卵形（ke/kue-nn̄g-hîng），而且有真濟像同心圓（tông-sim-înn）、三角形、十字架（si̍p-jī/lī-keh）、若象形文字仝款的抽象符號閣有九个烏點等等，散掖佇兩个雞卵形之間，藝術家閣用幼線共彼九个烏點相連，親像星象圖（sing-siōng-tôo）的意象，加上顯目的純色運用，呈現出一種真有囡仔興、幻想的輕鬆氣氛。這个作品風格予人想著米羅的畫風，毋過佮米羅誠無仝的所在，佇咧莊氏蘊藏暗比的象徵語言，攏已經完全抽象化成做伊個人專門的符號，所以若無創作者的解說，干焦看畫面，就會較倚抽象畫（thiu-siōng-uē）的範圍。
出處：王雅玲，國立臺灣美術館典藏詮釋資料，2025。